Turmush — Ош шаарындагы Курманжан датка көчөсүндө жылуулук түтүктөрүн алмаштыруу иштери жүрүп жатат.

Turmush басылмасынын кабарчысы билдиргендей, оңдоо иштерине байланыштуу 2-июндан тарта Курманжан датка көчөсүнүн Бөрүбаев көчөсүнөн Г.Айтиев көчөсүнүнө чейинки тилкеси жабылды.

Бүгүнкү күндө Ош шаардык жылуулук электр борбору тарабынан күз-кыш мезгилине даярдык көрүүнүн 1-этабы жүрүүдө. Эскилиги жеткен түтүктөр алынып, чоң көлөмдөгү түтүктөргө алмаштырылат.

Ошондой эле №2 троллейбус убактылуу ишин токтотот. Ал эми кичи маршруттук каттамдар жана унаалар жолду айланып, Ленин көчөсү аркылуу эки тараптуу жүрүүдө.

Оңдоо иштери 2-июнда башталып, ушул айдын аягына чейин бүткөрүү планы коюлган. Жаңылоо иштерине 30га жакын жумушчу, 10дон ашык техника тартылды.

• Маалым болгондой, Ош шаарындагы жылуулук түтүктөрү 1972-жылдары орнотулган.