Ошто кумшекер, өсүмдүк майы жана ундун баасы кандай болуп жатат?

Turmush — Экономика жана коммерция министрлигине караштуу Монополияга каршы жөнгө салуу кызматынын Ош шаары боюнча бөлүмү азык-түлүктөрдүн баасы боюнча маалымат берди.

Учурда Ош шаарында ун, кум шекер жана өсүмдүк майынын өздүк наркы төмөндөгүдөй:

— бир кап (50 кг) ун — 1 миң 750 сомдон 2 миң 300 сомго чейин;

— жергиликтүү өндүрүштөгү 1-сорт ун (50 кг) — 1 миң 750 сомдон 1 миң 800 сомго чейин;

— 1-сорттогу импорт уну (50 кг) — 1 миң 900 сомдон 2 миң 300сомго чейин;

— жогорку сорттогу ун (50 кг) — 2 миң 600 сом;

— кумшекер чоң дүкөндөрдө — 60 сомдон 90 сомго чейин, борбордук базарда — 83 сомдон 90 сомго чейин;

— өсүмдүк майынын 5 литри — 710 сомдон 850 сомго чейин.

Ушул жылдын 15-мартында, тактап айтканда бир ай мурун ундун баасы (50кг) 1 миң 750-2 миң 300 сомдон болгон. Кумшекердин 1 кг 85-105 сом, өсүмдүк майынын 5 литри 725-950 сомдон сатылган.

13-апрелде Ош шаарынын борбордук базарында 1 кг ундун баасы 45 сомдон 65 сомго чейин, ал эми 1 кап ун 2200-2650 сомдун тегерегинде сатылган. Бул баа 2 жума мурункуга салыштырмалуу 450 сомго кымбат.

Өсүмдүк майынын 1 литри 150 сомдон 170 сомго чейин, 3 литри 520-540 сомдон, 5 литри 750-880 сомдун тегерегинде бааланган. Мындан 1 ай мурун 5 литр майдын баасы 720 сомдон 850 сомго чейин сатылып жаткан болчу.