Turmush — Бүгүн, 10-июнда Ош облусунда 2010-жылдагы июнь окуясында курман болгондорду эскерүү иш-чарасы өттү. Бул тууралуу президенттин облустагы өкүлчүлүгүнүн басма сөз кызматы билдирди.

Иш-чарага президенттин Ош облусундагы ыйгарым укуктуу өкүлүнүн орун басары Талантбек Арстанкулов жана жергиликтүү бийлик өкүлдөрү катышты.

Каза болгондордун жакындары жана иш-чаранын катышуучулары менен болгон барлашууда өкүлдүн орун басары Талантбек Арстанкулов: «Биз кылымдар бою ынтымакта, бир туугандыкта жашаган көп улуттуу элбиз. Ата-бабаларыбыз ынтымакты туу тутуп, байыркы Ош шаарынын даңктуу тарыхын жараткан. Ар бирибиз тынчтыкты жана ынтымакты сактоого милдеттүүбүз», — деп белгиледи.

Эскерүү «Энелердин көз жашы» мемориалдык комплексине гүл коюу менен башталып, каза болгондорго багышталып куран окулду.