Turmush — Ош шаарында 2,8 миңден ашык айдоочу жол эрежесин бузганы аныкталды. Бул тууралуу Ош ШИИБ боюнча милициянын кайгуул кызматынан билдиришти.

Маалыматка караганда, 7-июндан 16-июнга чейин жол эрежелерин бузган жалпы 2 миң 825 айдоочуга карата протокол толтурулду.

Алардын ичинен:

— унааны мас абалда башкаруу — 19 учур;

— унаанын айнегин караңгылатуу — 13 учур;

— документи жок унаа башкаруу — 52 учур;

— коомдук жайда тамеки чегүү — 8 учур;

— жасалма мамлекеттик белги — 3 учур.

Ошондой эле 145 автоунаа айып короого токтотулду.