Ош шаарында окуучулар үчүн бекер автобустар жүрө баштады

Turmush — Бүгүн, 4-октябрда Ош шаарында окуучулар үчүн автобустардын алгачкы каттамы ишке кирди. Бул тууралуу Ош шаардык мэриясынын басма сөз кызматы билдирди.

Маалыматка караганда, аталган автобустар күнүнө 3 жолу, башкача айтканда эртең менен, түштө, кечинде акысыз каттайт. Ар бир багыт боюнча экиден автобус жүрөт.

Автобустар төмөнкү багыттар боюнча каттайт:

№1 мектептик автобустук каттамы: Н.Исанов көчөсүндөгү троллейбустун акыркы аялдамасы – А.Шакиров – А.Масалиев көчөлөрү аркылуу түз – И.Раззаков – У.Салиева (облустук оорукананын жолу менен) түз – С. Касымбеков көчөсүнө чыгып кайра У.Салиева көчөсү аркылуу келген кыймыл чиймеси боюнча кайра артка каттайт.

№2 мектептик автобустук каттамы: Тээке айылы (Ош—Араван автоунаа жолу) — Кеңеш айылы борбору – Көкүмбий (Барсбек айланпа) – Б.Осмонов – Р.Абдыкадыров (Черемушки) – Ш.Руставелли – Г.Айтиев – Курманжан датка – Джиннах (Ниязалы атындагы музыкалык окуу жайы) – В.Ленин көчөлөрүнөн жүрүп, Төлөйкөн айылындагы Г.Айтиев мектебинен кайра артка каттайт. (Ипподром)

№3 мектептик автобустук каттамы: ДЭУ-21 — А.Мамыров көчөсү (Волчья яма) – Ак-Тилек кичи району — Б.Осмонов – Р.Абдыкадыров (Черемушки) – Ш.Руставелли – Г.Айтиев – Курманжан датка – Джиннах (Ниязалы атындагы музыкалык окуу жайга чейин).