Turmush — Ош—Раззаков жолунун 43-чыкырымында (Ноокат районунун Кызыл-Тейит айылы) жана 63-чакырымында (Ноокат районунун Көк-Жар айылы) көпүрөлөр убактылуу жабылды.

Бул тууралуу Ош облустук жол кыймылынын коопсуздугун камсыздоо кызматынан билдиришти.

Алдын ала маалыматтарга ылайык, бүгүн, 28-июнда жааган жамгырдан улам сел жүрүп, суулар ташкындаган. Учурда жолду ачуу иштери жүрүп жатат.