Turmush — Ош облусунда мамлекеттик жана муниципалдык кызматкерлер арасында спорттук мелдештер өттү. Бул тууралуу президенттин Оштогу өкүлчүлүгүнүн басма сөз кызматы билдирди

23-июнь — мамлекеттик жана муниципалдык кызматкерлердин майрамына карата Чоң-Алай райондук мамлекеттик администрациясы тарабынан уюштурулган спорттук иш-чарага облустун райондорунан келген сегиз команда катышты:

1. Кыргыз Республикасынын президентинин Ош облусундагы өкүлчүлүгүнүн командасы;

2. Араван районунун командасы;

3. Алай районунун командасы;

4. Кара-Суу районунун командасы;

5. Кара-Кулжа районунун командасы;

6. Өзгөн районунун командасы;

7. Ноокат районунун командасы;

8. Чоң-Алай районунун командасы.

Жыйынтыгында жеңүүчүлөр төмөнкүдөй бөлүштүрүлдү:

Футбол боюнча:

— 1-орун — Өзгөн району;

— 2-орун — Кара-Суу району;

— 3-орун — Алай району;

— 4-орун — президенттин Ош облусундагы өкүлчүлүгүнүн командасы.

Волейбол боюнча:

— 1-орун — Өзгөн району;

— 2-орун — президенттин Ош облусундагы өкүлчүлүгүнүн командасы;

— 3-орун — Араван району;

— 4-орун — Кара-Кулжа району.