Turmush — Ажылык сапарга Кыргызстандан бара турган жарандардын алгачкы тобу 31-майда «Ош» эл аралык аэропортунан учуп кетишти.

Маалыматка ылайык, алар Ош—Медина багыты боюнча учуп кетишкен.

31-майдан 8-июнга чейин 4018 зыяратчы Сауд Аравиясына Ош—Медина жана Ош—Жидда каттамдары менен учат.

Бишкектеги зыяратчылар үчүн каттамдар 6-июндан 10-июнга чейин болот.

Бишкек—Медина жана Бишкек—Жидда аба каттамдары менен жалпысынан 2042 жаран учат.

2024-жылдагы ажылык сапарды уюштуруу боюнча келишимдерге ылайык, Сауд Арабия Кыргызстанга 6060 квота берген. Кыргызстан мусулмандарынын дин башкармалыгы билдирген маалымат боюнча, бул жылдагы акы ар бир адамга 3750 доллар деп бекитилген.