Ош—Баткен—Раззаков жолунда эреже бузган айдоочулар дрон менен аныкталып жатат

Turmush — Баткен облусунда жол кыймылынын коопсуздугуну камсыздоо бөлүмүнүн кызматкерлерине дрон берилди.

Маалым болгондой, жол-унаа кырсыктардын алдын алуу, ошондой эле адам өлүмү менен коштолгон оор кесепеттерди кыскартуу максатында жол эрежесин одоно бузган айдоочуларга дрон менен байкоо салынууда. Эрежени бузган айдоочуларга жол эрежесин сактоо боюнча түшүндүрүү иштери менен бирге профилактикалык иштер жүргүзүлүүдө.

Дрон менен байкоо жүргүзүү азырынча Ош—Баткен—Раззаков эл аралык маанидеги жолунда атайын тесттик режимде иш алынып барылууда.