Ноокаттагы унаа кырсыктан улам жандандыруу бөлүмүндө 5 күн жаткан жигит көз жумду

Turmush — 1-июль күнү Ноокат районундагы жол кырсыктан улам жандандыруу бөлүмүнө түшкөн 19 жаштагы жигит 5-июлда көз жумду. Бул тууралуу Ноокат аймактык ооруканасынан кабарлашты.

Маалым болгондой, ал өзүнө келбей каза болду.

Окуя тууралуу:

Буга чейин 1-июлда Ноокат районундагы жол-транспорт кырсыгынан 1 адам көз жумганы белгилүү болгон.

Жергиликтүү тургундардын айтымында, унаада бар жаткан жүргүнчүлөр жабыркап, Ноокат райондук ооруканасына жеткирилген.

Ал эми Ош облустук жол кыймылынын коопсуздугун камсыздоо бөлүмү Гүлистан айыл аймагынын 2004-жылы туулган тургуну Я.З. 1-июль күнү саат 16:00 чамасында Ош—Баткен—Раззаков унаа жолунун 20-чакырымында «Дэу Нексия» үлгүсүндөгү унаасы менен түштүктөн чыгышты көздөй бара жатып, рулду башкара албай, карама-каршы багытта келе жаткан «Хендай Портер» унаасы менен кагышканын кабарлаган. Аталган унааны Гүлистан айыл аймагынын 1979-жылы туулган тургуну А.И. башкарып бара жаткан.

Кырсыктын кесепетинен «Дэу Нексия» үлгүсүндөгү унаанын жүргүнчүсү, Бостон айылынын 2004-жылы туулган тургуну Т.П. окуя болгон жерде каза болгон. Ал эми айдоочусу Я.3. жүргүнчүлөрү — 2008-жылы туулган Т.А., 2003-жылы туулган А.М., 2005-жылы туулган Ж.И. жана «Хендай Портер» автоунаасынын айдоочусу И.А., жүргүнчүсү — 2008-жылы туулган М.М. жаракат алып, Ноокат аймактык ооруканасына кайрылышкан.