Turmush — Кечээ, 30-июнь күнү №5 Ноокат бир мандаттуу шайлоо округу боюнча Жогорку Кеңешинин депутатын мөөнөтүнөн мурда шайлоо болуп өттү.

Аталган округдан 9 талапкер ат салышкан.

Ош облусттук ички иштер башкармалыгынан билдиришкендей, шайлоонун жүрүшүндө талапкерлердин үстүнөн 12 арыз катталган.

«Бүгүнкү күндө териштирүү иштери жүрүп жатат», — деп айтылат маалыматта

Шайлоо Ноокат районунун Көк-Бел, Н.Исанов, Кеңеш, Кыргыз-Ата, Кара-Таш, Т.Зулпуев, А.Мирмахмудов, Гулистан айыл аймактарында жана Ноокат шаарындагы 54 шайлоо участкасында өткөн.

№5 шайлоо тилкесинде 91 миң 57 шайлоочу бар.