Turmush — Бүгүн, 30-июнь күнү №5 Ноокат бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо башталып, шайлоо участкалары өз ишин баштады.

Маалым болгондой, шайлоо Ноокат районунун Көк-Бел, Н.Исанов, Кеңеш, Кыргыз-Ата, Кара-Таш, Т.Зулпуев, А.Мирмахмудов, Гулистан айыл аймактарында жана Ноокат шаарындагы 54 шайлоо участкасында өтөт.

№5 шайлоо участкасында 91 миң 57 шайлоочу бар.

• Кыргыз Республикасынын депутаттарын мөөнөтүнөн мурда шайлоо күнү 2024-жылдын 30-июнь күнүнө белгиленген. Анда Ноокат районунун бир мандаттуу №5 шайлоо округунан 9 талапкер шайлоого катышууда.

Ноокаат бул шайлоодо сырттан добуш берүү өтүнүчү менен кайрылган 299 адам кечээ, 29-июнда добуш беришкен.