Turmush — Кечээ, 29-июнь күнү Ноокат районунда сел жүргөн аймактарда изилдөө иштери жүргүзүлдү. Бул тууралуу ӨКМден кабарлашты.

Маалыматка караганда, сел каптоонун негизги себептери болуп төмөнкүлөр аныкталды:

— Аномалдуу жаан-чачындын жаашы;

— Узак жылдардан бери чоң көлөмдөгү сел процесси катталбагандыктан Абшыр-Сай дарыясынын жээктеринде жана нугунда бак-дарактардын өсүшү жана дарыянын жээктерин эс алуу үчүн тапчандардын баш аламан курулуусу;

— Көмүр карьерге өтүүчү көпүрөнүн сел суу өткөрүмдүүлүгүнүн төмөн болуусу;

Изилдөөнүн жыйынтыгында кырсыктын кесепеттерин жоюу жана алдын алуу максатында жергиликтүү өз алдынча башкаруу органдарына жана акимчиликке төмөндөгү иш-чараларды аткаруу сунушталат:

1. Ички чарбалык жолдорду атайын техниканын жардамында калыбына келтирүү;

2. 2018-жылы курулган көпүрөнү капиталдык оңдоп-түздөө, жээктерин бекемдөө;

3. Авариялык абалга келген таза суу түтүкчөсүн калыбына келтирүү;

4. Сел ширендилерине капталган турак жайларды, социалдык обьектилерди тазалоо боюнча тиешелүү иш-чараларды аткаруу.

№37 Жол тейлөө мекемесине төмөндөгү иш чараларды аткаруу сунушталат:

1. Тез аранын ичинде Т.Кулатов—Абшыр-Сай унаа жолундагы эрозияга учураган жана сел калдыктарга жарым жартылай толгон участкаларын атайын техниканын жардамында калыбына келтирүү, тазалоо;

2. Капиталдык оңдоп түзөөгө муктаж унаа өтүүчү көпүрөлөрдү калыбына келтирүү, суу кирүүчү жана чыгуучу тараптарын бекемдөө;

3. Толугу менен агып кеткен №1 көпүрөнүн ордуна атайын долбоор менен жаңыдан унаа өтүүчү көпүрө куруу;

Райондук электр тармактар ишканасына тез аранын ичинде сел агызып кеткен электр мамыларын калыбына келтирүү сунушталат.

«Кызыл-Кыя көмүр» ачык акционердик коомуна Абшыр-Сай дарысына курулган көпүрөнүн ордуна атайын долбоордун (техникалык чечимдин) негизинде сел өткөрмө (селепропускник) куруу иш-чараларды аткаруу сунушталды.

• Селден каза болгондордун саны 8 адамга жетти. Алардын көпчүлүгү өспүрүмдөр экенин кабарлаган. Алар 2013-жылы, 2016-жылы, 2008-жылы, 2012-жылы, 2013-жылы төрөлгөн балдар, дагы бирөө 2005-жылы туулган.