Turmush — Ош облусунун Ноокат районунун Кара-Таш айыл аймагында 14 жаштагы өспүрүм бала бакка асынган абалда табылды. Бул тууралуу Turmush басылмасына өздүк булактар билдирди.

Бул маалыматты Ош облустук ички иштер башкармалыгынан тастыкташты.

Маалыматка караганда, 2024-жылдын 31-майында Ноокат райондук ички иштер бөлүмүнө Кара-Таш айылынын М.У. аттуу тургуну (жаш өспүрүм) үйүнүн короосунда өзүн-өзү асып каза болгондугу боюнча маалымат келип түшкөн. Бул факты каттоого алынып, тергөөгө чейинки текшерүү иштери башталган.

Текшерүүнүн жүрүшүндө маркумдун жансыз денесин соттук-медициналык экспертизанын өткөрүүдөн ата-энеси жана жакын туугандары баш тарткандыктан сырттан кароо жүргүзүлүп, туугандарына өткөрүлүп берилген.

Учурда тергөөгө чейинки текшерүү иштери уланууда.