Turmush — Пазыл Бактыбаев Ош облусунун Ноокат райондук билим берүү бөлүмүнүн башчысы болуп дайындалды.

Ноокат райондук администрациясы Turmush басылмасына тастыктаган маалымат боюнча, тиешелүү буйрукка 2024-жылдын 3-июнунда кол коюлду. Жаңы жетекчи бүгүн жамаатка тааныштырылат.

Пазыл Бактыбаев буга чейин Ноокат шаарынын вице-мэри болуп иштеп жаткан. Ал бул кызматка 2023-жылдын ноябрь айында дайындалган болчу.

Ал эми Ноокат райондук билим берүү бөлүмүнүн буга чейинки башчысы Бакыт Козуев өзү жазган арыздын негизинде кызматынан бошотулган. Ал бул кызматка 2022-жылдын ноябрь айында дайындалган.

Пазыл Бактыбаевдин резюмеси:

Жогорку билимдүү. 2000-2005-жылдары Ош мамлекеттик университетинин орус филологиясы факультетин аяктаган.

Эмгек жолу:

— 2017-жылдын 27-январынан баштап Чоң-Алай райондук билим берүү бөлүмүнүн башчысы;

— 2012-жылдын 13-августунан 2013-жылдын 31-майына чейин Чоң-Алай райондук мамлекеттик администрациясынын социалдык сектор башчысы;

— 2012-жылдын 9-февралынан 2012-жылдын 13-августуна чейин Чоң-Алай райондук билим берүү бөлүмүнүн жетектөөчү адиси;

— 2010-жылдын 3-мартынан 2011-жылдын 15-мартына чейин Чоң-Алай районунун Жекенди айылдык округунда жооптуу катчы;

— 2005-жылдын 1-сентябрынан 2010-жылдын 1-февралына чейин Чоң-Алай районундагы С.Осмонов атындагы орто мектебинде уюштуруучу жана орус тилчи, адабиятчы мугалим;

— 2008-жылдын 5-октябрынан 2010-жылдын 1-мартына чейин Кара-Тейит айылынан Жекенди айылдык кеңешинин депутаты;

— 2004-жылдын 9-ноябрынан 2005-жылдын 1-сентябрына чейин Ош шаарындагы №17 Ю.А.Гагарин атындагы орто мектебинде мугалим.