Turmush — Ноокат районунда селдин кесепеттерин жоюу иштери жүрүп жатат. Бул тууралуу өзгөчө кырдаалдар министринин орун басары Акылбек Мазарипов билдирди.

Анын айтымында, Абшыр-Ата аймагында сел жүрүп, 125 үйгө зыян келтирилген. Анын ичинен 25 үйдүн короосуна жана жер төлөсүнө суу кирген. ӨКМден 7 техника тартылып, 130 кызматкер, жергиликтүү бийликтен 450 адам иштеп жатат. Бир бала бакчага суу кирген. Ал тазаланып бүттү.

Алдын ала маалымат боюнча 3 үй авариялык абалда турат.