Нарындагы рейд учурунда мас абалында унаа башкарган 11 айдоочу кармалды

Turmush — Нарын облусунун аймагында жол унаа кырсыктарын алдын алуу жана болтурбоо максатында «Рулда» аталышындагы рейддик иш-чара өттү. Бул тууралуу Нарын ОИИБдин жол кыймылынын коопсуздугун камсыздоо бөлүмүнөн кабарлашты.

Маалыматка караганда, рейд 11-16-февраль күндөрү өткөн.

Нарын ОИИБ боюнча ЖКККБнын кызматкерлери тарабынан рейддик иш-чаранын жүрүшүндө облус аймагында жол эрежелерин бузган жалпы 471-айдоочу аныкталып, Укук бузуу жөнүндөгү кодексинин беренелеринин негизинде бузуу протоколдор толтурулду.

Жалпы түзүлгөн протоколдордун ичинен:

— мас абалында автоунаа башкарган — 11 айдоочу;

— ылдамдыкты ашырып айдаган — 147 айдоочу;

— жол белгилерине баш ийбеген — 109 айдоочу;

— коопсуздук курун тартынбай айдаган — 81 айдоочу;

— жол чыракка баш ийбей айдаган — 2 айдоочу;

— автоунаалардын документтери жок башкарган — 12 айдоочу;

— айдоого укугу жок автоунаа башкарган — 3 айдоочу;

— автоунаага мамлекеттик белгисин коюу эрежелерин бузган — 5 айдоочу;

— транспорттук каражаттарды каттоо тартибин бузган — 4 айдоочу;

— эксплуатациялоого тыюу салынган техникалык мүчүлүштүктөрү бар транспорт каражатын башкарган — 2 айдоочу;

— техникалык каттоодон өтпөгөн — 11 айдоочу;

— автоунааларына кошумча жабдык орнотуп алган — 5 айдоочу;

— транспорт каражаты адамдардын санына карата талаптарын бузган — 1 айдоочу;

— токтоп туруу же токтоо эрежелерин бузган — 8 айдоочу;

— каттодон убактылуу токтотулган — 34 айдоочу;

— каршы тилкеге чыгып айдаган — 6 айдоочу;

— чет элдик жана юридикалык жактарга тиешелүү болгон автоунааларды өз убагында камсыздандыруу полисин албай айдаган — 2 айдоочу;

— транспорт каражатынын мамлекеттик белгиси жок башкарган — 1 айдоочу;

— айып короолорго токтотулгандар — 67 унаа;

— жолдо жүрүү эрежелерин бузган — 2 жүргүнчү болду.