Нарында хоккей боюнча республикалык турнирдин жеңүүчүлөрү аныкталды

Turmush — Бүгүн, 16-февралда Нарын шаарында хоккей боюнча республикалык тунирдин финалдык беттеши өтүп, жеңүүчүсү аныкталды.

Президенттин Нарын облусундагы өкүлчүлүгүнүн маалыматына караганда, турнирге катышкан 8 командадан «Кыргыз темир жолу» (Бишкек шаары) командасы менен «Нарын шумкарлары» (Нарын шаары) командасы финалга чыгып, беттеште 3:1 эсебинде Нарын шаарынын командасы утуп чыкты.

Жеңүүчүлөргө медаль, диплом жана акчалай сыйлыктар тапшырылды.

— 1-орунду камсыз кылган «Нарын шумкарларына» (Нарын шаары) 100 миң сом;

— 2-орунду алган «Кыргыз темир» жолуна (Бишкек шаары) 60 миң сом;

— 3-орунду алган «Жумгал-Шортонго» (Жумгал району) 40 миң сом;

— 4-орунду «Ардагер шумкарларга «(Нарын шаары) 20 миң сом тапшырылды.

Мындан тышкары 5 номинация боюнча сыйлыктар тапшырылды:

• Эң мыкты дарбазачы — Урматбек Турсунбеков («Нарын шумкарлары»);

• Эң мыкты оюнчу — Адилет Альчикенов («Жумгал-Шортон»);

• Эң мыкты бомбардир — Эдил Өмүрбеков («Кыргыз темир жолу»);

• Эң мыкты чабуулчу — Турсунбек Урматов («Ардагер шумкарлар»);

• Эң мыкты калыс — Ынтымак Абдыкалыков.

Мелдеш 15-16-февраль күндөрү Нарын шаарындагы Т.Токтосунов атындагы муз аянтында өттү.