Turmush — Келечекте котормочу болуунун самаган Чүй облусунун Москва районундагы Петровка жалпы билим берүүчү орто мектебинин бүтүрүүчүсү Плаксина Кристина ноутбук менен сыйланды. Бул тууралуу Төрт-Гүл айыл өкмөтүнүн башчысы Жеңиш Байсульдаев билдирди.

ААРден кийин жаңы аталыштагы Төрт-Гүл айыл өкмөтү түзүлгөн.

«Айыл аймагыбызда 5 жалпы билим берүүчү орто мектеп бар. Анда үстүбүздөгү 2023- 2024-окуу жылында 134 бүтүрүүчү 11-классты аятап жатат. Алардын ичинен эң мыкты окуучубуз Плаксина Кристина «Алтын тамга» өзгөчө үлгүдөгү аттестатына ээ болду. Биз аны акыркы коңгуроо салтанатында ноутбук менен сыйладык», — деди айыл өкмөт башчысы.

Ал эми Плаксина Кристинанын айтымында, ал эл аралык жогорку окуу жайынан билим алып, келечекте котормочу болууну пландап жатат.