Turmush — Бүгүн, 30-июнь күнү №5 Ноокат бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо башталып, шайлоо участкалары өз ишин баштады.

Аймактык шайлоо комиссиясынын маалыматына караганда, саат 10:00го карата 4880 адам шайлоого катышкан. Кийинки жыйынтык 13:00до чыгарылат. Мыйзам бузуулар катталган жок.

Эң көп шайлоочу Кыргыз-Ата айыл аймагында болуп, саат 12:00го карата шайлоочулардын 18% добуш берди. Аталган айыл аймактан 2 талапкер бар.

Шайлоо Ноокат районунун Көк-Бел, Н.Исанов, Кеңеш, Кыргыз-Ата, Кара-Таш, Т.Зулпуев, А.Мирмахмудов, Гулистан айыл аймактарында жана Ноокат шаарындагы 54 шайлоо участкасында өтөт. №5 шайлоо участкасында 91 миң 57 шайлоочу бар.