Turmush — Балыкчы шаарынын прокурору болуп Курсантбек Каримов дайындалды.

Ал буга чейин Чүй облусунун Сокулук районунун прокурорунун орун басары болуп эмгектенген.

Эмгек жолун Чүй облусунун Сокулук районунун прокуратурасында баштаган. Андан кийин Чүй облустук прокуратурада, Ош облустук прокуратурада, Бишкек шаарынын Биринчи май районунун прокуратурасында, Талас облустук прокуратурасында иштеген.

Каримов Курсантбек Абдимомунович 1976-жылы 8-декабрда Ош облусуна караштуу Кара-Суу районунда туулган. Үй-бүлөлүү, 5 баланын атасы.