Кочкордо 9 үй-бүлөгө 100 миң сомдун сертификаттары тапшырылды

Turmush — Кочкор районунда социалдык жактан жардамга муктаж 9 үй-бүлөгө 100 миң сомдун сертификаттары тапшырылды. Бул тууралуу Эмгек, социалдык камсыздоо жана миграция башкармалыгынан кабарлашты.

Маалыматка караганда, райондо 2024-жылга 145 квота бекитилген. Бүгүнкү күнгө чейин анын 116сы берилген. Берилген каражаттар тигүүчүлүк, соода-сатык кылуу, пельмен жасоо, такси кызматы, курулуш шаймандарын ижарага берүү менен пайда табуу сыяктуу жеке ишкерчилик кылууга жумшалат.

2022-2023-жылдары жалпы 119 үй-бүлөгө берилген. Алардын акчасын максатуу пайдаланышы үчүн мониторинг жүргүзүлүүдө. Жеке иш кылгандардын алды 30-40 миң сомго чейин пайда табышууда.

Сертификат тапшыруу аземине Эмгек, социалдык камсыздоо жана миграция министрлигинин өкүлү Гүлмира Алканова, акимдин орун басары Бермет Абдрахманова баш болгон кызматкерлери катышты.