Turmush — Чүй облусунун аймагында Казакстандан мыйзамсыз күйүүчү май ташыган айдоочуларга карата рейддик иш-чара өтүп жатат. Бул тууралуу Чүй ОИИББ боюнча ЖКККБнын басма сөз кызматы билдирди.

Маалым болгондой, жеңил унааларга кошумча челектерди орнотуп, коңшу өлкөдөн күйүүчү май ташыгын айдоочулар товарларын жол жээгинде мыйзамсыз сатып келишет. Мындай көрүнүштүн алдын алуу үчүн атайын рейддик иш-чара өтүүдө. Анда унаалар айып короого токтотулуп, андан ары тийиштүү чараларды көрүү үчүн ыкчам тергөө тобу менен салык кызматы чакыртылууда.

Учурда 20дай унаа айып короого киргизилди.

Жыл башынан бери ЖКККБ тарабынан мыйзамсыз ташылып келген 8 тонна 165 литр күйүүчү май алынган.