Китепканачы Базаркүл Арунова өмүрлүк жарынан эрте ажырап калса да кыздарын жогорку билимдүү кылган

Кыргыз спорт жанылыктары

TurmushАт-Башы районунун Ат-Башы айылынын 63 жаштагы тургуну Базаркүл Арунова китепканачы болуп иштеп келет. Аймактык кабарчы аны менен таанышты.

Өзүнүн айтымында, Нарын районуна караштуу Орто-Саз айылында туулган. Кыргыз кыз-келиндер педагогикалык окуу жайын аяктаган. Эмгек жолун алгач Нарын шаарындагы Токтогул орто мектебинде мугалим болуп иштөөдөн баштаган. 1 жылдан кийин Ат-Башы районундагы Баш-Кайыңды айылында 1 жыл иштеп, андан соң Ат-Башы айылына көчүп келип Дыйкан мектебинде эмгектенген. Учурда Ат-Башы районундагы китепканада эмгектенип келет.

«Жаш кезибизде «Жаш тилек» деген комсомолдук бригадада иштедик. Чөптө иштеп, сакмалга барып мал төлдөттүк. Ошентип айылыбызга жардам берип 1979-жылы Маяковский атындагы Кыргыз кыз-келиндер институтуна тапшырып, ийгиликтүү аяктадым.

Жолдошум Курманалиев Шаршенбай энергетик болчу. Өмүрү кыска экен, 35 жашында каза болду. 34 жашымда 4 кызым менен жалгыз бой эне болуп калдым. Кыздарымды тарбиялап, жогорку окуу жайларды окуттум. Убагында мектептерде жана бала бакчаларда, Ат-Башы райондук китепканага чейин Ак-Сай өрөөндүк китепканасында иштедим», — деди ал.

Китепканачы жаңы китепкана менен сыймыктанып жаткан сезимдери менен бөлүштү.

«Бул китепканада 2018-жылдан баштап эмгектенип келем. Жаңы китепкананын салынышы китепканачылар үчүн гана эмес, жалпы Кыргызстан үчүн сыймык. Мындай китепкана биздин өлкөдө биринчи жолу салынып жатат. Демөөрчүлөргө терең ыраазычылыгымды билдирем. Жаңы китепкананын ичиндеги керектүү нерсенин баары жаңыланды. Инновациялык моделдик китепкана болгондуктан баары жаңы. Китепканага киргенге чейин эле эл дагы тынчсызданып күтүштү. Жумушка сыймыктануу, сүйүнүү менен келип жатабыз. Жаңы китептер дагы келди.

Пример HTML-страницы

Жакынкы, алыскы айылдардан бир көрүп кетүүгө аракет кылышат. Буга чейин бир дагы жолу келбегендер келип жатышат. Китепкананын имараты дагы мааниге ээ. Окурмандарыбыз көбөйө берсин.

Биз окурмандарга бир гана китеп берип чектелбестен, кызыктуу оюндарды ойнотобуз. Келген окурмандарга сураган адабияттарын таап берүүгө, ар түрдүү иш-чараларды өткөнгө аракет кылабыз.

Китепканачылык кесипте ар тараптуу болосуң. Түйшүктүү жана кызыктуу дагы кесип . Бир карасаң мугалим, бир карасаң артист дагы болуп кетесиң. Райондо болгон ыр кеселерге дагы катышып келебиз. Өз кесибимди сүйөм, окурмандарымды жакшы тейлөөгө аракет кылам. Жалпы жамаат ынтымактуубуз.

Эң улуу окурмандарыбыздын бири 70 жаштан ашкан апа. Ал бат-баттан неберелерин жиберип турат. Жаңы киептерди калтырбай окуйт. Неберелери дагы апасы кайсы китепти окуп бүткөндүгүн жанаокубаганын дагы билишет. Неберелери келгенде кызыктуу жакшы китептерди берип жиберебиз. Балдары болсо балдар бөлүмүнө келишет дагы, каалаган китептерин алып окушат. Бүтпөй калса үйүнө алып кетип, кайра алып келип берет. Демек үйдөгү чоң апа, ата-эне китеп окуса балдар дагы китеп окуйт. Тарбия үйдөн башталат. Балдарды «китеп оку» дегенден мурда чоңдор өзүлөрү окуса балдар алардан үлгү алат», — деди ал.

Базаркүл Арунованын 4 кызынан 18 небереси бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.

Досторуңуз менен бөлүшүңүз..........

КЫРГЫЗЧА САЙТ ⚜️