Каракол шаарында таза суу берүү убактылуу токтотулду

Turmush — Бүгүн, 8-июль күнү Каракол шаарында жааган жамгырдан улам «Кашка-Суу» суу топтоочу жайына суу кир келе баштады. Мындан улам шаарга суу берүү убактылуу тототулду.

«Учурда шаарга убактылуу суу берүү токтотулду. Суу ылай аралаш келип жатат. Суу тазарган кезде шаарга суу берилет. Калаага Каракол жана Кашка-Суу суусунан таза суу берилет. Азыркы тапта Кашка-Суу суусу тазара баштады. Бир аз убакытта суу берилет. Ал эми Каракол суусу кир болууда», — дейт суу түтүк ишканасы.

ӨКМ тарабынан 8-12-июль күнү туруксуз аба ырайы орун алып, нөшөрлүү жаан-чачын болорун эскерткен.