Кара-Сууда катуу ылдамдыкта бара жаткан унаа «Тойота Камрини» учура сүздү

Turmush — Ош облусунун Кара-Суу районуна караштуу Кашкар-Кыштак айылында 2 жеңил унаа кагышты.

Ош облустук жол кыймылынын коопсуздугун камсыздоо бөлүмүнүн маалыматы боюнча, жол кырсык 7-апрелде саат 19:00 чамасында Кашкар-Кыштак айыл аймагынын Кара-Суу көчөсүндө болгон.

«Хонда Жазз» жана «Тойота Камри» үлгүсүндөгү унаалар кагылышкан. Тактап айтканда, 2001-жылы туулган С.М.нын башкаруусундагы «Хонда Жазз» үлгүсүндөгү унаа түштүк тараптан түндүк тарапка бара жатканда айдоочу рулга ээ боло албай, карама-каршы багытта токтоп турган «Тойота Камри» үлгүсүндөгү унааны сүзгөн. Кырсыктын кесепетинен эки автоунаага тең материалдык зыян келтирилген. Айдоочулар жана жүргүнчүлөр жаракат алган эмес. Ооруканага кайрылыгандар катталган жок», — деп айтылат маалыматта.

Бул кырсык Кара-Суу райондук ички иштер бөлүмүнүн тергөө кызматы тарабынан Кылмыштардын бирдиктүү реестрине катталып, тийиштүү экспертизалар дайындалды. Учурда тергөө жүрүп жатат.