Turmush — Кара-Көл шаарында июнь айында кызамыктын эки учуру катталды. Бул тууралуу шаардык ооруларды алдын алуу жана мамлекеттик санитардык-эпидемиологиялык көзөмөлдөө борборунан билдиришти.

Маалым болгондой, эки бейтаптын бири — Бишкек шаарынын тургуну, Кара-Көлгө конокко келип ооруп калган. Экинчиси Бишкекке барып, жуктуруп келгени аныкталган.

Жалпысынан 6 айга карата 26 учур катталган. Анын ичинен 9у эркек, 17си аял.

— 1 жашка чейин — 4;

— 1 жаштан 5 жашка чейин — 10;

— 6 жаштан 12 жашка чейин — 8;

— 26 жаштан 30 жашка чейин — 3;

— 55 жаштагы 1 адам катталган;

— ал эми ымыркайында пландык эмдөөдөн баш тарткандар — 15;

— эмдөөнүн мөөнөтүнө жете электе ооругандар (ымыркайлар) — 4;

— эмделгени же эмделбегени белгисиз — 3;

— убактылуу эмдөөсү жылдырылганы — 4 .

Кызамыкка каршы шаар боюнча 7 жашка чейинки балдар эмдөөдөн өтүүдө.

Ошондой эле көк жөтөл боюнча ушул күнгө чейин 36 учур катталган. Анын 17си эркек, 19у аял:

— 1 жаштан 4 жашка чейин — 18;

— 5 жаштан 9 жашка чейин — 9;

— 30 жаштан жогору — 1;

— пландык эмдөөдөн баш тарткандар — 32;

— убактылуу эмдөөсүн жылдырылгандар — 1,

— 1-2 доза (толук эмделбегендер) менен эмделгени — 3.