Кара-Балтадагы тургундар белгисиз адамдар көрүстөндөгү айкелдерди боёп кеткенин айтышты. Видео

Turmush — Чүй облусунун Кара-Балта шаарындагы тургундар православдардын көрүстөнүндө вандализм болгонун билдиришти.

Алардын айтымында, 2024-жылдын 14-июлунда белгисиз адамдар айкелдердеги сүрөттөрдү боёп кетишкен. Ошондой эле айрым айкелдерде маркумдардын аты боёлуп, айкелдерге зыян келтирилген.

Ал эми милициянын маалыматына караганда, айкелдер бузулганы тууралуу арыз түшө элек. Видеодон окуя кайсы аймактагы көрүстөндө, Кара-Балта шаарынын же Панфилов районунун аймагында болгонун аныктоо мүмкүн эмес. Эгер арыз түшсө, текшерүү жүргүзүлөт.