Кара-Балта шаарында ак халатчандарга сый көрсөтүлдү

Turmush — Кара-Балта шаарынын Ленин атындагы маданият үйүндө медицина кызматкерлеринин күнүнө арналган салтанаттуу иш-чара болуп өттү, деп билдирет аймактык кабарчы.

Маалыматка караганда, Жайыл районунун жана Кара-Балта шаарынын жетекчилери ак халатчандарды кесиптик майрамы менен куттукташты.

Майрамдын урматына 8 медицина кызматкери «Саламаттык сактоонун ардактуу кызматкери» белгиси менен сыйланышты. Аларга райондук мамлекеттик администрациясынын, Саламаттыкты сактоо министрлигинин жана мэриянын ардак грамоталары тапшырылды.

Райондо аймактык оорукана, үй-бүлөлүк дарыгерлер борбору, мамлекеттик санитардык-эпидемиологиялык бөлүм сыяктуу медициналык мекемелер бар. Анда жалпы 773 медицина кызматкери, анын ичинде орто жана кенже медициналык кызматкерлер иштейт.