Кадамжайдагы Совет айылынын жолуна 36 млн сомго асфальт төшөлүүдө

Turmush — Баткен облусунун Кадамжай районундагы Совет айылынын жолуна асфальт төшөлүп жатат. Бул тууралуу Turmush басылмасынын аймактык кабарчысына №46 жол тейлөө ишканасынын башчысы Шавкат Матисаев билдирди.

Анын айтымында, Кан—Борбалык жолунун 5 чакырым аралыгына оңдолууда. Асфальттоо иштерин аталган ишкана өзү жүргүзүп, Транспорт министрлиги тарабынан каражат бөлүнүп берилген. Бул долбоордун жалпы баасы 36 млн сомду түзөт.

Совет айылы буга чейин өз алдынча айыл өкмөтү болсо, административдик-аймактык реформадан кийин жаңыдан түзүлгөн Молдо-Нияз айыл аймагына карамагына өткөн.

Административдик-аймактык реформанын алкагында Алга (Шак-Шак айылынан тышкары), Кыргыз-Кыштак жана Совет айыл аймактарын бириктирип, Алга айылын административдик борбор деп аныктоо менен Молдо Нияз айыл аймагына кирген.

Молдо Нияз айыл аймагы