Turmush — Ош–Баткен–Раззаков унаа жолунун Кадамжай районундагы 140-155-чакырым аралыктарында (Алга айылынын тушу) унаа кырсык көп катталат.

Жергиликтүү тургундардын айтымында, кырсыктардын көп катталуусуна жолдун түздүгү да себеп болот. Аталган аймакта жолдун 2 четинде Таш-Мазар жайгашкан. Таш-Мазарга белги катары түркүк тургузуп, топоздун куйругун байлап коюшкан. Бул белги ары-бери каттаган жолоочулар мазар бар экенин байкап, абайлап өтүшү үчүн коюлган. Анткени буга чейин мазар жайгашкан аймакта жол кырсыгы көбүрөөк катталып, каза болгондор да болгон.

Жолдун тоо тарабында Коон-Баба деген да жер бар. Аксакалдар Таш-Мазар менен Коон-Бабанын аралыгында ээси бар деп айтышат.