Кадамжайда изделип жаткан 16 жаштагы Мирболот Ахматов табылды

Turmush — 6-июль күнү Кадамжай районунун Жаңы-Жер айылында жоголгон 16 жаштагы М.А. табылды. Бул тууралуу бүгүн, 10-июлда Баткен ОИИБдин басма сөз кызматы кабарлады.

Маалыматка караганда, Кадамжай РИИБдин кызматкерлери өспүрүмдү издөө боюнча иштерди жүргүзгөн. Анын натыйжасында бүгүн таңга маал анын жүргөн жери аныкталып, милиция бөлүмчөсүнө алынып келинген. Учурда ал апасына аман эсен тапшырылып, түшүндүрүү иштери жүргүзүлдү.