Turmush — Ош—Баткен—Раззаков унаа жолунун Кадамжай районунун Үч-Коргон айылындагы тилкесинде жол кырсыгы катталып, 7 жаштагы бала каза болду.

Маалым болгондой, окуя 13-июнь күнү эртең менен саат 08:40 чамасында катталып, анда «Дэу Нексия» үлгүсүндөгү унаа жол чырактан өтүп бара жаткан электро мотороллерди коюп кеткен.

Электро мотороллерде атасы, 7 жаштагы бала жана 8 жаштагы кызы болгон.

Жабыркагандар Үч-Коргон жалпы дарыгерлер практикалык борборуна кайрылып, 7 жаштагы бала алган жараатынан улам каза болгон.

Бул окуя Үч-Коргон милиция бөлүмчөсүндө катталып, азыркы учурда тергөө иштери жүрүп жатат.