Turmush — Акыркы суткада Жалал-Абад облусунда коронавирус илдети 2 адамдан аныкталды. Алардын бири Сузак, экинчиси Ноокен районунун тургундары экенин Жалал-Абад аймактык оорулардын алдын алуу жана санитардык-эпидемиологиялык көзөмөл борборунун башкы дарыгери Рома Ураимов билдирди.

Анын айтымында, ушул тапта эки бейтап тең амбулатордук тартипте медициналык жардам алууда.

«15-июлга карата Жалал-Абадда COVID-19 илдети боюнча 2 учур аныкталды. Алардын бири аял, бири эркек киши. Бейтаптардын бири чет өлкөгө бара жатып ПЧР-тест тапшырганда ооруганы аныкталса, бири катуу ооруп, анализ тапшырганда билген. Азыр эки бейтап тең амбулатордук негизде дарыланып, дарыгерлердин көзөмөлүндө», — деди Р.Ураимов.

Өткөн суткада өлкөдө 85 адамдан коронавирус аныкталса, анын ичинен 76 учур Бишкек шаарында катталды.