Turmush — Ысык-Көл районунда эки унаанын катышуусунда жол кырсыгы катталды. Бул тууралуу жол кыймылынын коопсуздугун камсыздоо бөлүмүнөн билдиришти.

Маалыматка караганда, бүгүн, 19-июль күнү саат 16:00 чамасында Балыкчы—Ананьев—Каракол унаа жолунун 58-чакырымында «Фольксваген Пассат» үлгүсүндөгү унаасы жолдун каршы тилкесине чыгып, келе жаткан «Равон Нексия» үлгүсүндөгү унаасы менен кагышкан.

Натыйжада эки унаанын айдоочулары ооруканага жеткирилди. Учурда тийиштүү экспертизалар дайындалып, тергөө иштери жүрүп жатат.