Turmush — Талас шаарында «Устат шакирт» аттуу көргөзмө өтүүдө. Бул тууралуу президенттин Таластагы ыйгарым укуктуу өкүлүнүн орун басары Кыял Жанузакова билдирди.

«Талас шаарынын Атай Огомбаев атындагы балдар музыкалык мектебинде «Устат шакирт» аттуу көргөзмө өтүп жатат. Анын максаты — апаларыбыздын, ууз айымдардын, саймачылардын жолун улоо. Жакында эле облустук «Устат шакирт» аттуу кол өнөрчүлөрдүн коому түзүлгөн. Бул биздин өкүлчүлүктүн колдоосу менен улуттук кол өнөрчүлүктү, баалуулуктарыбызды жайылтууга багытталган. Көргөзмөдө кол өнөрчүлүк боюнча ар кандай окутуулар да өттү. Каалоочулар барып үйрөнүүгө шарттар түзүлгөн. Көргөзмөгө коюлган эмгектер Нооруз майрамына чейин алынбайт. аАл эми окутуулар бүгүн жыйынтыкталат. Окутуу 3 күн өттү», — деди ал.