Turmush — Кечээ, 30-майда Ош шаарында «Мүмкүнчүлүк чегинен чык» аталышындагы чыгармачыл жаштардын демилгелерин тартуулаган иш-чара өттү.

Иш-чара шаарга ыңгайлуу жана энергияны үнөмдөөчү шарттарды түзүү максатында уюштурулду. Жаштар креативдүү, амбициялуу идеяларын жана долбоорлорун тартуулады. Ага тиешелүү жетекчилер, шаардык мекеме-уюмдардын өкүлдөрү, жогорку окуу жайлардын студенттери, чыгармачыл жаштар катышты.

Бул чыгармачыл иш-чара креативдүү жаштардын ичинен ойлоп табуучулар менен практиктердин кызматташуусунун жаңы форматы болуп саналат.