Turmush — Ысык-Көлдө катталган жол кырсыктан улам 3 адам жаракат алып, 3 адам көз жумду. Бул тууралуу ӨКМдин басма сөз кызматынан билдиришти.

Маалыматка караганда, бүгүн, 3-август күнү саат 07:40 чамасында Балыкчы—Ананьев—Каракол унаа жолунун 24-чакырымында «Мерседес-бенц Спринтер» жана «Мицубиси» үлгүсүндөгү унаалардын катышуусунда жол кырсыгы катталды.

Кырсык болгон жерге Балыкчы шаарынын №19 өрткө каршы куткаруу бөлүмүнөн 4 куткаруучу тартылып, биринчи медициналык жардам көрсөтүлдү.

Кырсыктын кесепетинен жалпы 23 адам кырсыкка учураган. 3 адам жаракат алып, Балыкчы шаарынын оруканасына жеткирилген. Ал эми 2 адам окуя болгон жерде каза таап, жансыз денелери ИИМ кызматкерлерине өткөрүлүп берилди.