Turmush — Өзбекстандын Навои тоо-кен иштери жана технологиялык университетинин белгилүү илимпоз-педагогдору тарабынан Ош технологиялык университетинин энергетика факультетинин жана гуманитардык-технологиялык колледждин энергетика багытында билим алып жаткан студенттери үчүн онлайн лекция окуу башталды.

ОшТУ менен Навои университетинин ортосундагы түзүлгөн келишимге ылайык, эки тараптын илимпоз-педагогдору студенттерге энергетика багытына байланышкан бардык адистик сабактардан онлайн жана офлайн сабактарды өтүүгө мүмкүнчүлүк алышкан.

Азырынча лекциялар онлайн түрүндө окутулуп жатат. Ал эми кийинчерээк эки университеттин илимпоз-педагогдору окуу жайларга барып, сабактарды өтүшмөкчү.