Turmush — Кечээ, 1-июлда Жалал-Абад облусунун Ала-Бука районундагы борбордук базардан өрт чыкты.

ӨКМдин маалыматы боюнча, өрттү өчүрүүгө саат 18:09да Ала-Бука райондук өзгөчө кырдаалдар бөлүмүнөн 3 бөлүк тартылган. «Аида» кафесинен чыккан өрт бир имаратта жайгашкан килем дүкөнү жана «Фирдаус» кафесине чейин жеткен. Болжолдуу өрт 400 чарчы метр аянтты түзөт.

Алтын, күмүш, кийим сатылган «ZARA», «1000 түркүн», азык-түлүк дүкөндөрү, тез татым ашканасы өрттөн сакталып калынды.

Алдын ала маалымат боюнча, жабыркагандар жок.