Эч ким көчүп келбеген Жайылдын Малтабар айылынын 180 жылдыгы белгиленди

Turmush — Чүй облусунун Жайыл районунда Малтабар айылынын 180 жылдык мааракеси белгиленди.

Turmush басылмасынын кабарчысы билдиргендей, кечээ, 7-май күнү Полтава айыл өкмөтүнө караштуу Малтабар айылында ишембилик өттү. Ага райондун жетекчилери, айылдын чыгаан инсандары жана башка коноктор катышты. Айыл мектебинин жанына орнотулган сахнада район акими Т.Түркбаев, аксакалдар куттуктоо сөздөрүн айтышты. Салтанаттуу бөлүктөн кийин спорттук мелдештер жана майрамдык концерт болду.

Бүгүнкү күндө Малтабар айылында 540 адам жашайт. Бул айылда үйлөр сатылбайт, ушундан улам башка жактан келгендер жок.

Айыл башчысы Шамшидин Чакиновдун айтымында, Малтабар айылына болгону 180 гана жыл толду.

«Айылдын тарыхы, ата-бабаларыбыздын кээ бир орчундуу окуяларды оозеки айтып беришкени тууралуу жазуу жүзүндө тастыкталган маалымат жок. Ушул жерде төрөлгөн чоң атам 80 жашында каза болгон. Ал жерде илгери чытырман карагайлар, саналуу гана боз үйлөр болгон. Айыл Союз жылдарында өнүгүп, БЧК (Чоң Чүй каналы) казылып, андан кийин суунун деңгээли төмөндөп, эл үй салып баштаган», — деди ал.

Жергиликтүү эл эмне үчүн Малтабар айылы аталып калганы боюнча уламышты айтып беришти.

«Биздин ата-бабаларыбыз тоодо жашашкан. Малчылардан малы жоголуп, райондон табылбаса, анда эл өрөөнгө түшүп келишкен. Камыш өскөн жерде малчылар жипке байланып, казык менен кагылган малдарын табышкан. Калың токойлордо жаныбарларды жашыруу оңой эле. Ошондуктан мал жоголгондо ушул жерден издеп жүрүшкөн. Айылдардын аталышы терең мааниге ээ, ата-бабаларыбыз бекеринен мынтип коюшкан эмес», — дешет айыл тургундары.