Чоң-Алай районунда катуу жааган жамгырдын кесепетинен сел жүрдү

Turmush — Бүгүн, 18-июнда саат 16:00 чамасында Ош облусунун Чоң-Алай районунда катуу жааган жамгырдын кесепетинен сел жүрдү. Бул тууралуу ӨКМден кабарлашты.

Маалыматка караганда, куткаруучуларга кокту-колоттордон келген сел Чоң-Алай айыл аймагынын Кызыл-Эшме айылында көчөлөрдү каптап жаткандыгы тууралуу маалымат түшкөн. Тактоо иштерин жүргүзүүгө Чоң-Алай райондук ӨК бөлүмүнөн ыкчам топ тартылды.

——————————————————

Кечээ, 17-июнь күнү саат 20:00 чамасында Ош облусунун кээ бир аймактарында катуу жааган жамгырдан улам унаа жолдорду сел каптаганы белгилүү болгон.

Маалыматка караганда, Ак-Терек—Папан—Кожокелең унаа жолунун 41-чакырымында (№21 Жол тейлөө ишканасынын карамагына караштуу) сел түшүп, жолду тороп калган. Атайын техника иштеп, жол эки тараптуу ачылган.

Ынтымак айыл аймагынын Жаңы-Арык—Кызыл-Суу унаа жолунун 21-чакырымында (Өзгөн районунун Беш-Абышка участкасы), 28-чакырымында (Өзгөн районунун Кара-Таш участкасы) жол каттамы үзгүлтүккө учураган. №45 Жол тейлөө ишканасы тарабынан жолду ачуу боюнча иштер жүргүзүлгөн.

Жабыр тарткан адамдар жок.

• ӨКМ кечээ, 17-июнда күндүн экинчи жарымында, 18-19-июнда республиканын тоолуу жана тоо этектериндеги райондорунда сел жүрүшү мүмкүн экенин кабарлаган.