Turmush — Чүй облусунун Аламүдүн районуна караштуу Молдовановка, Степной айылдарында жана Панфилов районундагы Вознесеновка айылында жайгашкан абактарда спорттук мелдештер өттү. Бул тууралуу Юстиция министрлигинин Жаза аткаруу кызматынын басма сөз кызматы билдирди.

Маалыматка ылайык, спорттук мелдештер Молдовановка айылындагы №1 түзөтүү мекемесинин футбол талаасында өтүп, ага ЖАКнын кызматкерлери катышты.

Ал эми Степной айылында жайгашкан №2 аялдар абагындагылар, Вознесеновка айылындагы №14 тарбиялоочу мекемесиндегилер спорттун бир нече түрү боюнча күч сынашты.