Turmush — Кара-Балта шаары аркылуу айры куйрук учуп өтүүдө.

Күбөлөрдүн айтымында, шаардын сыртынан бул чоң канаттуулардын үйүрлөрү түштүк-чыгыш тарапка учуп баратканын даана көрсө болот. Бул көрүнүштү кечки сааттарда байкоого болот. Кызыктуу жагдай, жазында бул канаттуулардын чоң үйүрү батышты көздөй жылат.

Айры куйруктар — жырткыч куштардын карчыгалар уруусу. Узундугу 70 сантиметрге чейин. Куйругу кыска, учунун ортосу оюк (аты ушундан келип чыккан).

Эки түрү бар, алар Евразия, Африка жана Австралияда кездешет.

Кыргызстанда тоолордо жана өрөөндөрдө таралган. Тарп жана майда кемирүүчүлөр, куштар, кескелдириктер менен азыктанат. Жаратылышты тарптардан тазалоочу куш.

Айры куйруктун чоң топтору жазында жана күзүндө учуп өтүшөт. Уясын токойлуу тоодогу бийик дарактарга же аскаларга салат. 2-3 жумуртка тууп, ургаачысы басып чыгарат.