Бостериде 18 жаштагы жигиттин өмүрү кыйылды

Turmush — Чолпон-Ата шаарынын Бостери айылындагы көлдүн жээгинде 18 жаштагы жигит акка моюн сунду.

Ысык-Көл ОИИБдин басма сөз кызматы билдиргендей, 14-июль күнү Бостери айылындагы пансионаттардын бирине Бишкек шаарынын 2006-жылы туулган тургуну достору менен эс алууга келип, көлгө чөгүп кеткен.

Анын каза болгонудугу тууралуу маалымат 102 кызматына келип түшкөн.

Ыкчам-тергөө тобунун кызматкерлери жерине барганда, каза болгон жигиттин жакындары арыз жазуудан баш тартышып, сөөгүн Бишкек шаарына алып кетишкен.