Turmush — Бүгүн, 1-июль күнү Токмок шаарына жакын жерде жүк ташуучу унаа менен жеңил унаа сүзүштү. Бул тууралуу аймактык кабарчыга күбөлөр билдиришти.

«Жабыркагандар бар. Кырсык каттталган соң жол тыгыны пайда болгон», — дешти алар.

Чүй ОИИБ боюнча ЖКККБнын басма сөз кызматы кырсыкты тактап,

Кырсык 2024-жылдын 1-июль күнү саат 14:20 чамасында Бишкек—Нарын—Торугарт айланма жолунун 57-чакырымында катталган.

Анда «Хендай Грандер» үлгүсүндөгү унаасы жүк ташуучу «Вольво» үлгүсүндөгү унаасы жолдун атайын кайрылма жеринен кайрылып жатканда артынан сүзгөн.

Жол кырсыктын кесепетинен айдоочу жана 2 жүргүнчүсү ар кандай жарактарды алып, Ысык-Ата районунун ооруканасына тез жардам кызматынын унаасы менен жеткирилген.

Ал эми Ысык-Ата райондук дарыгерлердин жалпы практикалоо борборунан билдиришкендей, бул кырсыктан Б.О. аттуу бир жаран кайрылган.

«Азыркы учурда жандандыруу бөлүмүндө. Абалы орто оор», — деп айтылат маалыматта.

• Өздүк булактардын маалыматы караганда, жабыркаган адам актер Бусурманкул Одуракаев.

Ооруканын маалыматы боюнча, 1950-жылы туулган Т.Б. жана 1983-жылы туулган Ж.Ж. аттуу адамдар тез жардам кызматы аркылуу жеткирилген.