Turmush — Баткен районунун акими Учкунбек Жоробаев менен Баткен шаарынын мэри Имамназар Бурканов баштаган делегация Өзбекстандын Фергана облусунун Риштон районунда иш сапарда болушту.

Маалым болгондой, кыргыз делегациясын Риштон районунун акими Б.Холиков чакырып, карапа буюмдарынын көргөзмө соодасы иш-чарасын өткөрүштү. Кыргыз делегациясы керамикалык идиштер, кумуралар жасалуучу цехке барышып, ал жердеги жумушчулар жана жүрүп жаткан иштер менен таанышты.

Тараптар эки райондун бардык тармактар боюнча кызматташуусуна шарт түзүшөрүн белгилешти.