Turmush — Кызыл-Кыя шаарында телефондорду уурдоого шектелген адам Талас облусунан кармалды. Бул тууралуу бүгүн, 2-июлда Баткен ОИИБден кабарлашты.

Маалыматка караганда, 20-июнь күнү Кызыл-Кыя шаарынын 42 жаштагы тургуну Ж. С.нын телефондорду сатуучу дүкөнүнө белгисиз адам эшиктерин бузуп кирип, жалпы суммасы 826 миң сомдук телефондорду уурдап кеткен. Аталган факты боюнча Кылмыш-жаза кодексинин 205-беренеси (уурулук) менен кылмыш иш козголгон. Издөө иштеринин жыйынтыгында 26-июнь күнү кылмышка шектүү жаран А.М. Талас облусунан кармалып, Кызыл-Кыя ШИИБдин убактылуу кармоо жайына алынып келинди.

Учурда тергөө иштери жүрүп жатат.