Turmush — Баткен шаарындагы жубайлар 19-июнда 3 эм кыздуу болушту. Бул тууралуу мэриядан кабарлашты.

Маалыматка караганда, шаардын Чет-Булак аймактык башкармалыгында жашаган жубайлар Каримберди уулу Нурсултанбек менен Элмира Абдыкалыковага бүгүн, 1-июлда кыздарына туулгандыгы тууралуу күбөлүк менен кошо 3 коляска белек кылынды. Кыздарга Мариям, Муслима жана Малика деген ысымдар ыйгарылган.

Жубайлар буга чейин бир кыздын ата-энеси болушкан.

• Буга чейин 15-майда баткендик Жолболду кызы Айзирек айым төрөгөн 3 эм кыздарга Амина, Алия, Асия деген ысымдар ыйгарылган. Ал бул биринчи төрөтү экенин айткан.