Turmush — Баткен шаарында ички иштер бөлүмүнүн кызматкерлери менен ӨКМдин куткаруучулары арасында футбол боюнча турнир өттү. Бул тууралуу ӨКМдин басма сөз кызматы билдирди.

Маалым болгондой, чүчүкулак тартылып, Баткен шаарындагы үчүнчү өзүнчө издөө-куткаруу отряды менен Баткен райондук ички иштер бөлүмүнүн кызматкерлери күч сынашып, 9:1 эсебинде жеңиш ӨКМ куткаруучуларынын пайдасына чечилди.

Ал эми ӨКМдин Баткен облусу боюнча башкармалыгы жана шаардык ички иштер бөлүмү мелдешкен оюнда упай башкармалыктын эсебинде калып, жыйынтыгында 1-орунду ӨКМ куткаруучулары, 2-орунду башкармалык жана 3-орунду райондук ички иштер бөлүмү камсыздай алды.

Жыйынтыгында командалар демөөрчүлөр тарабынан грамота жана атайын баалуу белектер менен сыйланды.